等咗成個禮拜，
《追光吧》終于将21位哥哥嘅
初舞台全部放嗮啦~
下半場嘅舞台整體上
比上半場更加豐富同精彩！
沙寶亮、楊宗緯、王晰、
迪瑪希等高品質唱将組
一開腔就帶觀衆秒回《歌手》舞台。
沙寶亮嘅《手扶拖拉機斯基》
大玩複古迪斯科，
魔性“拖拉機舞”嗨翻全場，
連背景班哥哥都上嗮頭！
王晰将迷人低音玩出花，
用搖滾的方式打開童謠《小毛驢》，
德國戰車畫風令人非常耳目一新。
迪瑪希開聲從未令人失望，
初舞台《Stranger》 ，
低高音切換自如，
演唱技巧超驚豔！
超長高音更一度令
其他哥哥變“鼓掌機器”，
甚至emo到想“着草”。
除咗vocal組之外，
其它舞台都好有驚喜！
純舞蹈表演嘅韓宇實力炸場，
《能量無限》高頻卡點極舒适。
劉也初舞台《佳人》
帶來戲腔唱跳舞台，
盡顯出身男團嘅優勢。
張曉龍再跳古典舞，
演繹國風舞台《宴樂圖》，
仿佛将古畫實景搬到台上。
就哥哥們嘅實力而言，
即使舞美設計略顯簡陋，
舞台内容都係幾精彩嘅~
遺憾嘅係，
也許係出于時長考慮，
正片将部分初舞台剪得稀碎，
最慘如張曉龍，
高光的古典舞部分被“一剪沒”，
隻剩下一小段打鼓鏡頭。
而壓軸嘅姜潮不但舞台完整，
前有報幕，後有備采，
單人初舞台占到4分鐘以上，
節目組差别待遇實在太明顯。
如此不公嘅時長配置設定，
令好多網友都質疑出道劇本
係咪早已寫好，
“炮灰”、“皇族”按部就班，
又或者係想“虐粉”走逆襲路線？
除咗初舞台之外，
本周節目仲公布咗一公分組情況。
張衛健、吳鎮宇、周曉鷗、吳建豪
被内投為一公組長。
其他組長雞咁腳搶人之際，
吳鎮宇提前一晚已經
收好“小弟”姜潮去招人。
等到吳建豪同徐志賢嚟挖人時，
吳鎮宇“靓坤”上身，
用大佬傾數嘅氣場直接ko對方。
呢場雙吳搶人對決
（雖然更似吳鎮宇單方面碾壓）
仲精彩過電影橋段。
不過唔知鎮宇大哥知唔知，
你嗰頭号黑粉乖仔費曼話，
如果你被淘汰，
就叫粉絲“爬牆”投票吳建豪哦。
一公最終分組就如下圖啦~
呢個係咪你心水嘅組合？
網傳吳建豪組奪下一公頭名，
而其餘三組都有哥哥面臨淘汰風險，
但真假與否就要等舞台分曉啦。
你最鐘意邊位哥哥嘅初舞台表現？
你覺得邊位哥哥會最先淘汰？
歡迎留言同我哋分享吖~
MORE
今日娛樂看點
Twins發文鼓勵瑞金醫護
95後醫生用音樂“治愈”病人，
在大廳彈起Twins的歌《風筝與風》，
Twins發文稱希望
音樂能帶給大家安心與浪漫，
希望醫護人員保護好自己。
楊洋卧底無效慶祝
《青春環遊記3》第四期，
作為卧底嘅楊洋提前開始慶祝，
被人識破後發現遊戲未結束，
真·慶祝了個寂寞。
TFBOYS“限定團建”
今日係易烊千玺21歲生日，
佢嘅新歌《四字歌》
亦于今日零點上線。
王俊凱、王源卡點為他慶生 ，
仲齊齊為佢新歌打call添~
來源：綜藝劇照、微網誌、豆瓣
網絡資訊綜合整理
編輯：陳祉伶
*文中圖檔版權歸原作者所有，
如涉及侵權請聯系，立即删除
掃描下方二維碼
進入可樂生活小店
▼
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向标資訊。