《聲生不息》徹底收官嘅第一個周末
TVB就同香港電台聯合
搞咗個《香港金曲頒獎典禮》
等大家又一次投身港樂party
呢個show最有派頭嘅
應該就係請嚟咗劉德華
做開場嘉賓
近幾年嚟華仔“沉迷”電影
咁啱最近又拍緊《潛行》
今次可以話係忙裡偷閑嚟撐場了
一首《如果有一天》
久違嘅歌聲已經令樂迷覺得
係一個mini concert
佢仲好貼心咁
将歌詞最後一段嘅歌詞
改成幫大家打氣嘅内容
聽完呢個開場覺得成晚暖在心頭
大家注意到
呢首《如果有一天》唱到一半
就有一班新生人來上嚟接力
壓軸現身嘅仲係“聲夢女神”
GiGi炎明熹+Chantel姚焯菲
GiGi啱啱結束《聲生不息》嘅節目
就馬不停蹄飛翻香港瘋狂出show
應該係想趁住呢次人氣大漲
多啲同粉絲見面
Chantel前段時間同屋企人出國放飛
翻嚟整理好各種煩雜嘢
就開啟“打勞工”模式
無懼烈日參與戶外活動
可能都係因為GiGi翻咗嚟
要繼續努力先keep得住自己個勢
兩人有份參加金曲獎嘅開場演出
仲要傍實喺劉天王隔離
可見高層對佢兩個嘅重視
//////////
今次嘅頒獎禮就重在港樂嘅傳承
是以開場show揀咗資深前輩
帶後生可畏一起合唱嘅模式
華仔自己都話
“努力不分年紀，
讓我同你繼續一起努力。”
而喺得獎名單上
都充分展現“不分年齡”嘅宗旨
除咗個别幾位資深唱将之外
好多獎都俾咗新一代嘅音樂人
鄭欣宜憑借《先哭為敬》摞獎
大家都覺得實至名歸
嚟咗現場嘅佢穿咗一套好收身嘅禮服
上台唱歌都超穩超有台風
而啲新人歌手上台演繹嘅時候
就明顯冇咁絲滑有啲緊張
甚至有啲啲走音邊緣
證明係真唱，好事嚟嘅
各種原因冇辦法出席嘅藝人
就用視訊或者連線嘅方式
同大家分享自己得獎嘅喜悅
Color個friend曾比特
身在内地為新一檔綜藝努力
喜提多個獎項嘅佢
喺視訊中感謝自己音樂道路上嘅伯樂
仲隔空獻唱《1984》《我不如》
獲得金曲獎樂隊大獎嘅
Supper Moment
前排同過可樂君“遊山玩水”
最近就忙緊巡回演唱會
得獎之後即刻連線演唱會現場
同睇show嘅“屋企人”一起見證領獎
超級有紀念意義
以前嘅歌曲頒獎典禮
會有好多“歌神”“歌聖”“歌俠”等等
出現“神仙打架”嘅盛況
相比起來，今年嘅頒獎典禮
顯得更love and peace
新人多咗機會會登台
演繹新時代嘅作品
當年黎明、譚詠麟等歌手
宣布自己要退出頒獎禮
為嘅係想令新一代嘅年輕人
有更多機會企上更高嘅舞台
港樂需要更多新人傳承
先可以實作聲生不息
等我哋一起期待
有更多嘅好聲音出現啦
MORE
今日娛樂看點
《告别薇安》今日開播
《告别薇安》改編自安妮寶貝小說
陳安安&林宇将帶你
一秒回到校園生活
是否就會遇到那個讓你心動的人
王俊凱有膚色差
小凱外出拍大片
大家發現佢手臂同手背嘅
膚色差好明顯
係之前明明習慣穿長袖啵
粉絲話：連紫外線都不放過他
孟子義教徐志勝唱歌
孟子義睇完徐志勝
唱《不得不愛》嘅視訊
忍唔住自己親自教佢唱歌
網友：真係一個敢教一個敢學
資料來源：豆瓣、微網誌
網絡資訊綜合整理
編輯：郭玮
稽核：曾敏妍
簽發：駱蘋
*文中圖檔版權歸原作者所有，
如涉及侵權請聯系，立即删除
掃描下方二維碼訂閱
【微店】可樂生活小店
【淘寶】羊晚生活館
【郵政】中國郵政微郵局
▼
>>>
一次過get可樂報詳細内容
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向标資訊。
官方微信号：靓仔可樂君（handsomecolor）